:: مسـاحتي الضائعة – سراااب الدوحه ::

/ مقتطفااااات / / لعلها تعبر عن بعض مما هناااا //

شكراً لكاتبها / ولإحساسه /

—————–

أكــذب عليك إن قلت عايش وفرحــــان ..
…………….واكذب عليك ان قلت موتي كفااااااااااانــي

من ياخـذ همومــي ويعطيني إنســـااااااااان ..
……………….ماجــاه مثل اللي من الحزن جاااااااااانـي

————

ماعرفتك ! وشفتك مثل : ريم الفلا ،
الكبر شين .. وإلا نور عيني ~ بخيل ؟

إي عرفتك ! حبيبي الأولي { يا هلا } ..

مرحبا فيك من بعد الغياب الطويل ،

فاتك الفوت ولما فات ، صوتك علا ..
لا تنادي المحبه { رجعتي } مستحيل !

ماتفيدك حلاتك .. ما يدوم [ الحلا ] ،
ليت روحك جميله دام وجهك جميل

قلت لك ياتحبْني حيل ~ وإلا – فلا
إللي مثلي ( أناني ) مايحب القليل

إنت هَمٍ { ثقيل } ومن حياتي إنجلا ،
صرت هَمْ بحياتك وأدري همّك ثقيل !

دايم اتقول ~ إنك ( غير كل الملا ) ..
وآنا قايلك إني شخص ماله : مثيل

الدليل : إنه قلبي ~ في غيابك سلا ،
يوم غيري عيونه من فراقك تسيل !

إنت غلطه بحياتي في [ كتاب الغلا ] :
مامحيتك ولكن .. منجبر ع الرحيل

لا هلا ترد { قلبي } لا ولا مسهلا
شفت قاتل بعمرك يرضى عنْه القتيل !

رحت عنك وباقي لي أثر و البلا :
أدري دورت مثلي وما لقيت البديل

————————