:: مسـاحتي الضائعة – سراااب الدوحه ::

يقال أن للسفر عدة فوائد ..
خصوصاً اذا كان السفر الهدف منه لقاء من نحب
فما أجمل لحظات اللقاء عندها ..
وتغيير الجو ..
والتعرف على بلدان اخرى ..

وزيارتي لدولة الأمارات هي الثانية
المرة الأولى في عام 2001 لزيارة معرض جايتكس ..
حينها لم تتح لي الفرصة للتعرف كثيرا على هذا البلد الذي اعشقه

وهذه هي الثانية ..
وحبيت اشارككم الصور اللي صورتها ..

وبالفعل كان أسبوع لا ينسى ..
جميل . كجمال تواصلكم ومشاركاتكم ..
ورائع .. كونه في بلد رائع .. بكل ما تحمل الكلمه من معنى ..

كعادتي الدائمـة ..
اذكر ملاحظاتي على كل الأماكن والأشياء اللي تمر علي ..

نبدأ ..
كان رحلتي في الصباح الباكر ..
وكان لازم اكون في المطار الساعه 5 صباحاً
قلت في نفسي احسن بعيد عن الزحمـة وعوار الراس
خصوصا العالم كلهم دوام .. وانا اللي شارد وماخذ اجازة اسبوع ..

كنت حاجز بالقطرية .. وفي اللحظة الأخيرة صار تاخير وتزاعلت معاهم
وغيرت إلى الأماراتية .. ذهاب ..

وفعلاً كان أختيار موفق ..
بكل ما تحمل الكلمـة من معنى..
طيارة مريحه .. الكراسي كبيرة ..
صحيح الطيار كان راقد ..:sm240: بس الأمور مشت تمام ..

هالصورة في مطار الدوحه
ومثل ما تشوفون يا زين الاماراتية

اسم على مسمى < << يتغزل سراااب :sm179: مثل ما تشوفون في هالصورة من قريب الأماراتية وبرج المراقبة .. بس هذا المطار الجديد للحين فيه الكثير من التصليحات ..

وهذي بعد ما طارت الطيارة بشوي // ونشوف ابتعادنا عن الأرض
شيئاً فشيئاً .. فديت سماء الدوحه ..

هنا قربنا صوب البحر .. مبتعدين عن المطار ..ومتجهين الجنوب الشرقي
لديرة الغاليين دبي ..

فوق البحر .. ونشوف بعض الجزر القطرية ..

في هالصور .. نلاحظ منطقة الكرنيش وبها فندق شيراتون الدوحه على اليسار من تحت .. وتأتي الأبراج الممتدة على طول الكرنيش ..
واضحـة تماماً ..

صورة بعد أن ابتعدنا عن اليابسة محلقين في السماء ..
وهنا تداخل جناح الاماراتية .. مع السماء .. يالله ..كم اللحظات رائعـة حينها

صورة أخرى .. بورتريه لووول :sm292:

في هالصور يبين لكم الوقت المتبقى لدبي 0:41 دقيقه بالضبط ..
طبعاً سارقها من الشاشه المجابله الكرسي لوول