:: مسـاحتي الضائعة – سراااب الدوحه ::

مسائكم ورد ..
وصباحكم ياسمين ..

عندنا لكم .. لنواصل الرحلــة ..

طبعاً اليوم اللي بعده
اخذت راحتي في النوم ..

والظهر قلت خلني بروح لامسي كان اقرب شيء لي

وبصراحه لامسي ما عجبني

يعني استغربت من تنظيمه
معقولة في كل طابق تحصل قسم اكل وملابس ومستلزمات والخ

ليش ما يكون الأكل في طابق
والملابس في طابق
ليش التكرار ؟؟

شيء خربوطه صراحه ..

صورة صورتين ..
بس عجبي الممر الي عند الكوفي وااايد خطير وهادى المكان فوق

وعجبني المهرج الي طالع نازل .. ما يتعب المسكين

وبعد عجبني الشلال مكانه وطريقته حلوة وااايد ..

بعدها رحت تغديت والعصر رحت اتمشى
اشوف الابراج اليديده والانشاءات اليديده

ما شاء الله العمران فوق الخيال ..

بعدها زرت مول الأمارات من كثر ما سمعت عنه
وكانت الزيارة في اليوم الثاني ..
من البداية .. المواقف مرتبة بشكل حلو ومميز
ما تشكل زحمه ..
طبعاً احسن من مواقف الستي سنتر ..

بس المكان كبير .. ويضيع نوعاً ما
حتى الخريطة تضيع شوي ..

زرت هالقسم اعتقد الصيني .. وعجبني التصميم وااايد ..

وبعدها تمشيت شوي شفت المحلات
ولقيت هالحركه عجبتني

احلى شيء صوت الماي وهو ينزل

بعدها قعدت اتمشى لين وانا بخاطري اشوف قرية الثلج اللي اسمع عنها

وهذي بعض الصور عنها
طبعاً الكشخه ما كانت تناسب
ان ادخل اجرب حظي مع انه كان خاطري
بس يبي لها وقت وتدريب

يحليله الياهل اشلون يتزحلق على الثلج مب مصدق

في هالصور يبين المكان من فوق

بهالشكل يكون خلصنا من القريه الثلجيه
تجمدنا من برا اشلون لو دخلنا لووول